فلكلور

ولع البابور يا حيلة امك كاملة

ولع البابور يا حيلة امك .. دخلة البوليس ولا دخلة امك
بابور مش عارفة تولعيه .. ليه ليه
تدلعي يا بت على ايه .. ليه ليه
كلام امك بتسمعيه مسكينة م دارية بهمي

حماتي ولية عجوزة .. ليه ليه
نفسها مقطوع م الجوزة .. ليه ليه
مصيبة م ليها عوزة م تروحي قبر يلمك

حماتي ست عندية .. ليه ليه
تجيني وتخرب عليا .. ليه ليه
ليه يا حماتي مؤذية راح اجيبلك سم واسمك

حماتي عجوزة و حبيبة .. ليه ليه
لكن معايا كئيبة .. ليه ليه
ولا جاياكي مصيبة ولا حاجة بتغمك

قولنا نتجوز نرتاح .. لا اتجوزنا ولا اتهنينا
قولنا نفرح زى الناس .. الفرحة م دارت حوالينا
انا م الومش على البنات .. البنات غلابة زينا
انا بألوم ع الابهات قلوبهم قسيت علينا
تروح تتقدم تخطب يقولوا كام راح تدينا
اول كلمة يقولها ابوها من غير م يسأل عنينا
اتاري ابوها بيشتري فلوس مش رجالة يا اخينا
عايز شبكة بخمس تلاف مصاريف الفرح علينا
اوضة نوم سفرة و صالون شرط الفرح ف مارينا
فستان زفاف م الشانزالزيه شهر العسل ف اتينا
امي تقول عايزة لبتي كمان فيلا بجنينة
يكون فيها حمام سباحة ف الصيف يرطب علينا
بقه بالذمة ده اسمه كلام يا ناس ياللى سامعيننا
والله كتر خير الشباب حاله بيصعب علينا
يجيب طلبات البنت منين ف الدنيا القاسية علينا
راح اقول حل من الحلين عشان م نتعب اهالينا
ياما نسرق يا نقتل
يا نشحت من قوت عينينا
ولع البابور يا حيلة امك .. دخلة البوليس ولا دخلة امك

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
إغلاق
إغلاق